أنا حلبية أصلية ( قحيّة )

[Ali Hafez]

سألتني : أأنت حلبية .. ؟

قلت : نعم .. وأعمل الكبة اللبنية والسماقية والكبة النية .. وأعشق النظر إلى القلعة الأثرية .. وسماع القدود الحلبية ..

قالت : ولكنكم تأكلون الكبة نية!! .. ولهجتكم قحية .. وتشبهون وجه الفتاة بالصحون المطبخية .. والجميع يضحك عند سماع المسلسلات الحلبية لما فيها من ألفاظ تخرج من المجاري الحلقية ..

قلت ومازال لدي من الصبر بقية : أما الكبة فقد تعلمها منا الأكثرية .. لأنها لذيذة وشهية .. ولهجتنا قحية لأن معظمها عثمانية والجميع عن بكرة أبيهم يتباهى بمن له جدة تركية .. أما عن تشبيه الفتاة فهذا غزل للبنت الحلبية .. وإذا كان ثمة من يضحك عند رؤية المسلسلات الحلبية فهذا يعني أنها خفيفة الظل وتذكرنا بالأيام الأولية!!! .. وسألتها : الأخت من أين ؟

قالت : سورية .

قلت : يعني أهلية محلية ..

إذا كنت شامية .. فأنتم أهل للسان ينقط عسلية ومطة للكلمة حتى يصبح أولها منسية .. وتاج راسي عندكم جملة شعبية .

وإذا كنت حموية .. فأنتم أهل الشهامة وحلاوة الجبن والعيون الخضر والعسلية .. وعندكم الحاضر هو الماضي .. والكمال في العقلية ..

أما وإن كنت حمصية .. فأنتم أهل الذكاء والفطنة والنكتة والفزورة و ديك الجن وجمال القد في الفتاة الفتية وعند لفظكم حُمص بالضمة تُعرف الهوية ..

وإذا كنت إدلبية أو لاذقانية أو طرطوسية فهل يعيبكم قول ( أشو ) أو ( قلتلو ) بالتأكيد لا، بلد العلم والفن والشعيبة

فيا أخت من أين ما تكونين فأنا وأنت من سورية الأبية .. بلد العلم والفن والخيرات الغنية

وأبوس روحك كفاكِ نقداً للهجة الحلبية

طبعاً انا حلبي مو حلبية ههههههههههههه

[lamea]

الله أكبر

اي يا هيك الدعم يا بلا
الله يخليلنا ياك يا علي و تضل عم تسمهنا هالكلام الحلو

شايفين شايفين الحلبية

[Ali Hafez]

الله أكبر

اي يا هيك الدعم يا بلا
الله يخليلنا ياك يا علي و تضل عم تسمهنا هالكلام الحلو

شايفين شايفين الحلبية

احم احم عراسي لولو انتي ئعدي عائلة وما عليكي

[tornedo2003]

هلا هو يا مية اهلا وسهلا بحلب .. ام المحاشي والكبب يعني
بس ليش الواحد ليكذب ع حاله اي والله يا جماعة الصبية اللي بتحكي شامي والصبية اللي بتحكي حلبي اي ما في مقارنة بينهن يعني
وبعدين انا ملاحظ انه اكتير من الصبايا الحلبية صايرين عم يحكو شامي

[Ali Hafez]

هلا هو يا مية اهلا وسهلا بحلب .. ام المحاشي والكبب يعني
بس ليش الواحد ليكذب ع حاله اي والله يا جماعة الصبية اللي بتحكي شامي والصبية اللي بتحكي حلبي اي ما في مقارنة بينهن يعني
وبعدين انا ملاحظ انه اكتير من الصبايا الحلبية صايرين عم يحكو شامي

يمكن إنته ما رحت للشام لتعرف اللهجة الشامية عن حق التنتين اضرب من بعضون بعدين ورجيني صبية حلبية عم تحكي شامي عليي ما عليي بينئص لسانها بعدين يلي مو عاجبو اللهجة الحلبية يشفلو شي حيط ...........

حلبي وافتخر

[lamea]

لا يا توريندو مع احترامي إلك انت غلطان
لانو في كتييييير فرق بين الحكي الاشامي و الحلبي

بس يمكن انت ع كتر الحكي مع الصبايا ما عدت تفرق
وصارو اللهجات كلهن عندك عادي

[violetflower_z]

ههههههههه
هلا هوي عفكرة اللي بيعرف ناس بتحكي لهجات مختلفة بصير يقدر يفرق اكتر بين اللهجات ويعرفن مزبوط
بس انا عم احكي اذا كان الواحد بيعرف اعداد معتدلة من الناس
اما اذا كانو اعداد كبيرة فما بظن رح يقدر يفرق

[tornedo2003]

شبكن شو مشانكن انتي واياها .. فضحتوني
طولو بالكن
بعدين مع احترامي الك علي .. بس عنجد في كتير صبايا حلبية بيحكو شامي

[lamea]

شو فضحناك .... لسا ما حكينا شي

بعدين استاذ توريندو بما انو عندك كل هالخبرة باللهجات
دخلك كيف بيحكو الصبايا بحمص ..؟

[tornedo2003]

اه لسى ناوي تحكي يعني .. اي احكي

والله بيحكو حمصي عادي يعني ما نهن مستحين بلهجتهن حتى يحكو بلهجة تانية اي دخيل رب بنات حمص